San Tirso mendia

Arabako hegoaldea zeharkatzen duen karaitzezko mendikate zorrotzeko beste tontor bat da, zenbait berezitasunez atondua: San Tirsoren boneta, gandorrean zutitutako haitz bitxia eta San Tirsoren ermita, haitzaren iparraldeko magalean zabalduko leizean babestua. Bernedo izango da abiapunturik erabiliena (Okon-eko Andre Mariaren ermita) eta letreroek erakutsitako bidea jarraitu besterik ez dago bidea urratzeko. Bidea zabala da gandorrera heldu arte eta basoan zehar igotzen da, ondo seinalatutako hainbat bidegurutze zeharkatu eta harat-honat batzuk eginez. Azken metroetan (ermitaren paretik pasa eta gero) harriari heldu beharko diozue behin baino gehiagotan (bustita dagoenean kontuz ibili beharra dago), baina kontuz ibiliz gero ez dago beldurtzeko motiborik. Nahi izanez gero Peña del Leon-era ere heldu zaitezkete, gandorreko xenda bihurriari jarraituz, ordu erdiren buruan.