Uazkuru eta Akaitz arteko tartea zaila da, kontu handiz ibili beharra dago eta nekez egiten da aurrera, karst zakar, deseroso eta hautsia da.

Lapazarrako zeharkaldi osoa egin beharrean atzera egiten du arrastoak, landareei argazkiak ateratzen tematu nintzelako, baina ez dago arazorik ekialdera jo eta hango aldapan behera jaisteko, arrastoa nabarmena da eta handik laster helduko gara Larreriako mendatera. Beste ibilbide honetan ikus dezakezue bidea.

Joera nahiko zabaldua da norberak egindako ibilbideak erraz egindakoak direla esatekoa, baina erraztasunaren eta arriskuaren pertzepzioa oso desberdina da batetik bestera, eta sarritan gertatzen dira "ustekabekoak" zailtasunari aurre egitea tokatzen zaigunean. Horren adibide da Aiako Harriko tontorren zeharkaldia: erraza da zeharkaldia behin eta berriz egin duenarentzat, ondo ezagutzen duelako zer dagoen hormaren amaieran eta haitzaren beste aldean, heldulekuak badirela behar diren lekuan...