Oiakarizketa mendia

Oiakarizketa Iruñea inguratzen duten mendietatik ezezagunetakoa dugu. Inguruan Sarbil edo Esparatz bezalako mendi erakargarriak izanik, itzalpean gelditzen da gain oihantsu hau. Gr-220 (Iruñerriko bira) mendi honetatik hurbil igarotzeak salbatzen du seguruenik erabateko ahanzturatik.
Ibilbide anitz daude mendi honetaraino joateko, inguruko herri gehienetatik Txarakardia lepora igotzen diren bide eta pista ugari balia ditzakegu, edo, kate osoa ibili nahi izanez gero, Etxauriko mendatetik atera gaitezke(gainetik bertatik edo 21. kilometroan hasten den bidetik), Txorigain eta Txarakadiako gainetatik igaroz. Hurbil daude Esparatz eta Peña Grande eta Peña Txikita ikusgarriak, ibilbidea luzatu nahi izanez gero.
M. Belaskoren hiztegian mendi honen izena "Basa aritzen tokia" bezala itzultzen da.