Beuntzako Gaina mendia

Ultzama eta Atetz ibarrak bereizten dituen mendilerro luzearen azken tontorra dugu Beuntzako Gaina, iparraldetik. Ez da oso gailur nabarmena eta basoaren baitan egonik, paisaiarik ez. Baina udako eguzkitik babespean egon nahi izanez gero, aukera ederra izan daiteke, bakarrik edo hegoaldeko bere auzokoekin, Itxondoa eta Arraldegaña.

Gora-behera txikia da bizkar horretan eta erraz egiten da aurrera, basoaren itzalean gainera. Beuntzako Gaina zein den seinalatzen duen adierazgarri argirik ere ez da, eta badira hiru muino altuera beretsukoak kandidatuen artean. Batzuetan IMkoa seinalatzen da, bestetan gurean seinalatzen dugun hau.