Mojon Alto, Sierra del mendia

Sierra del Mojon Alto Muela de Urbionetik Hego Ekialdera luzatzen den zerraren izena da. 5 tontor inguru ditu, garaiena 2183 metroko altuerakoa eta Mojon Alto izeneko tontorran bukatzen da, Muelatik 3 bat kilometrotara dagoena, 2083 metrokoa eta Laguna Helada edo Alta-ren gainean. Hego Mendebaldeko bizkarra pinuek eta zelaiek estaltzen dute, tontor inguruan larre borobildu eta ia lauek Llanos de la Sierra izena ere eman diotelarik, inguruko beste paraje baten antzera. Ipar-Ekialdean berriz glaziarren eragina nabaria da, aldapa gogor eta harritsuekin, tontorren oinetan Laguna Larga eta Laguna Helada topatu ditzazkegularik.