Oinplano karratua duen eraikin kubiko handia da. Kadagua Haraneko aro barrokoko estetika ohikoa du, baina baserri gehienek baino kalitate eta itxura askoz hobea dauka.
1731n datatu da; izan ere, data hori agertzen da ezkutuan. Hala ere, badakigu jatorriz Zallako Ibarra Dorrean zegoela, eta hura eraitsi ostean, 1880an, tokiz aldatu zutela.
Atetzarrean belarrimoldurazko tailuak eta fatxadako baoak dituen eraikinaren estetikak 1680 inguruan eraikitako beste eraikin barroko batzuk ekartzen dizkigu gogora, dekorazio berdina dutenak: Zallako Montellano eta Urrutia jauregiak, Balmasedako Santa Klara komentua, etab.
Hortaz, litekeena da eraikuntzadata garai horren ingurukoa izatea; hala ere, baoetan duen antolamendu bikainak eta oinplano laukizuzen eta sakonak XVIII. mendearen erdialdean arrakasta izan zuten baserrien formaren antza handiagoa du, eta, beraz, agian 1680 baino beranduagokoa da, esaterako, 1700ekoa edo XVIII. mendearen lehen urteetakoa.
Iruzkinak
Komentariorik ez..
Gertuko helburuak
Bolunburu burdinola (595 m.ra) · Santa Ana ermita (616 m.ra) ·
