Santa Ana mendia

Vallegrull eta Revillallanos mendien artean zutitzen den haitza da Santa Ana, haiek ez bezala nahikoa mutur zorrotzekoa. Horrek ikuspegi zabala eskaintzeko aukera ematen dio eta ikusgarria da gainera ingurua: Iparraldean Ribera herriaren hondakinak, teilaturik gabeko harrizko horma zaharrak, Mendebaldean Vallegrull-en bizkar luzea eta Ekialdean Revillallanosen bizkarra.; urrutixeago, berriz, Recuenco, Karria eta Valderejoko baso eta larreak. HMtik Puron ibaia pasatzen da, haitzarte estuan eta horrek inguruetan erakarmen handia duen paisaia sortu du. Jende asko inguratzen da haitzean zulatutako xenda ezagutu eta erreka bazterrean pasioan ibiltzera, bai Valderejo aldetik eta bai Herran aldetik. Gainontzean basoz estalitako mendia da eta ezpel artean zabaldutako xenda batek igotzen du Revillallanos-era lotzen duen lepotik, zailtasun eta neke handirik gabe. Revillallanos-ekin batera igo daiteke ibilbidea osatu nahi izanez gero.