Measkoitz mendia

Pirinioko ardatzetik hegoaldera luzatzen den bizkar luze bateko tontorra da Measkoitz, eta bizkar hori zeharkatzen duen pista zabal batek urratzen du biderik errazena, Erro mendatetik nahiz Errea herrixkatik. Ez da ordea arrasto handirik tontorraren inguruan eta sasia nagusitzen ari isurialde gehienetan. Tontorrean bertan txerri baten itxurako buzoi xelebrea, hondatuxea, eta erpin geodesikoa, elorriz inguratuta eta pinu bakan batzukin atondua. Galtza luzeak eraman. Santio bidea Erro mendatetik pasa eta Zubirira jaisten da bailaran barrena Iruñera jotzeko, bizkar luze honen mendebaldeko isurialdean zehar: ibilbidea osatzeko egoki gerta daiteke.