Aizkolegi mendia

Hauxe izango da tontor-tontorrean jauregia duen euskal mendi bakarra, baina argazkietan ikus dezakezuenez, nahiko egoera kaxkarrean dago garu egun (2006-10-29: sarrera galarazita dago). Bertizko Parkeak jasotzen duen bailarako burua da Aizkolegi eta jende gehiena Oronoztik igotzen da, bertatik abiatzen den pista luzeari jarraituz. Beste aukera polita Etxalartik abiatu eta Azkuarekin batera igotzea da, gandor luze eta eder bati jarraituz. Basoz inguraturako mendia da eta jauregia bera ere ez da ikusten bertaratu arte. Bertizko parke itxian, Oronoz aldeko jauregian, hainbat erakusketa izaten da eta turismo bulegoa ere bada. Jende asko izaten da inguru hartan, baina gutxi heltzen dira tontorreraino, bidea luze xamarra baita ohiko bisitarientzat (10 Km pistari jarraituz gero).